“Қумтор” иши бўйича яна бир амалдор қўлга олинди

 

Қирғизистонда “Қумтор” кони бўйича жиноий иш доирасида яна бир амалдор қўлга олинди.  Бу ҳақда “ТАСС” хабар берди

 

Маълум қилинишича, мамлакат собиқ бош вазири Жоомарт Оторбаев кон бўйича жиноят иши доирасида қамоққа олинган навбатдаги амалдор бўлди. Қирғизистон Миллий хавфсизлик давлат қўмитасига кўра, у 16 сентябрдан бошлаб терговга жалб қилинган. Қўмитанинг таъкидлашича, бош вазир бўлган пайти Оторбаев Лысый ва Давыдов музлигининг йўқ қилинишига рухсат берган. Шу мақсадда экологик экспертиза ўтказадиган ташкилотларга босим ўтказган.

 

“Қумтор” Қирғизистондаги энг йирик олтин кони ҳисобланaди. Кон узоқ йиллар давомида “Centerra” компанияси томонидан фойдаланилган. Кейинчалик унинг фаолияти давомида коррупцион ҳолатлар бўлгани аниқланди. Садыр  Жапаров Республика Президенти бўлганидан сўнг “Қумтор” бўйича жиноий иш очилди. Ҳозирга қадар кўплаб собиқ амалдорлар қўлга олинган.

 

Шунингдек, 2 август куни Бишкекка мамлакат собиқ президенти Асқар Акаев олиб келинди . Бундан ташқари 2017-2020 йилларда Қирғизистон раҳбари бўлган Сооронбай Женбеков ҳам терговга чақирилган.

 

 Жаҳонгир Қўзиев