Сурхондарёлик эркак рашк сабаб хотинини ўлдириб қўйди
Сурхондарё вилоятининг Термиз шаҳрида рашк сабаб хотинини ўлдириб қўйган фуқарога нисбатан жиноят иши қўзғатилди. Бу ҳақда вилоят ИИБ матбуот хизмати хабар бермоқда.
Маълум бўлишича, жорий йилнинг 18 сентябрь куни соат 15:00 ларда Қ.Қ. яшаш уйида турмуш ўртоғи Д.Ж.ни рашк қилиб, ўзаро жанжаллашишиб қолади. Эркак қўлидаги пичоқ билан хотинининг чап кўкрак қисмига бир маротаба уриб, ҳаёт учун хавфли бўлган оғир тан жароҳати етказган. Оқибатда, аёл касалхонага олиб кетилаётганда йўлда вафот этган.
Таъкидланишича, Қ.Қ.га нисбатан Жиноят кодексининг 104-моддаси 3-қисми «д» банди (қасддан баданга оғир шикаст етказиш жабрланувчининг ўлишига сабаб бўлиши) билан жиноят иши қўзғатилган.
Эслатиб ўтамиз, аввалроқ Қашқадарёда 60 ёшли эркак шаръий никоҳдаги тўртинчи хотинини пичоқлаб ўлдиргани, жиззахлик эркак қўшнисини ўз турмуш ўртоғи билан ишқий муносабатини пайқаб, 7 марта пичоқ санчиб ўлдириб қўйгани ҳамда Фарғона вилоятининг Бувайда туманида ҳомиладор хотини ва қайнотасини чопқи билан чопиб ташлаган 19 ёшли йигитга суд ҳукми ўқилгани ҳақида хабар берилганди.
