Ҳомиладор хотини ва қайнотасини чопқи билан чопиб ташлаган эркак 20 йилга қамалди

 

 

Унда айтилишича, жорий йилнинг 2 мартидан 3 мартига ўтар кечаси Бувайда тумани «Янгиқишлоқ» маҳалласида яшовчи 19 ёшли фуқаро ўзаро оилавий келишмовчилик сабаб Оқтепа қишлоғида яшовчи ҳомиладор аёли ва қайнотасини чопқи билан чопиб ташлаган.

 

Оғир тан жароҳати олган қайнотаси кўрсатилган биринчи тез тиббий ёрдамга қарамасдан вафот этган. Қотил йигитнинг ҳомиладор аёли эса жонлантириш бўлимига ётқизилиб, ҳаёти сақлаб қолинган.

 

Тиббий экспертизанинг 2021 йил 26 мартдаги хулосасига кўра, марҳум қайнотанинг бош мияси очиқ шикасти, калла суякларининг синиши, мия юмшоқ пардалари ости ва мияга қон қуйилиши, бош мияси лат ейиши унинг ўлимига сабаб келган.

 

Мудҳиш жиноятни содир этган шахс Жиноят кодексининг 97-моддаси 2-қисми «в», «ж» бандлари, яъни айбдорга аён бўлган ожиз аҳволдаги шахсни ўта шафқацизлик билан ўлдириш ва  25, 97-моддаси 2-қисми «а», «в», «ж» бандларида назарда тутилган жиноятларни содир этганликда айбли, деб топилиб, Жиноят ишлари бўйича Ёзёвон туман судининг 2021 йил 17 августдаги ҳукми билан 20 йилга озодликдан маҳрум этилди.

 

Эслатиб ўтамиз, бундан аввал Қаршида бар ходими меҳмонни пичоқ билан ўлдиргани, Қамашида 17 ёшли қиз қўшни йигитни 29 маротаба пичоқлагани ҳамда Бухорода юз берган мудҳиш қотиллик ҳақида хабар берилганди.

 

 

Оламгир Абдиев