Футзал бўйича жаҳон чемпионатининг барча яримфиналчилари маълум бўлди
Кеча Литва давлатида ўтаётган жаҳон чемпионатининг иккинчи ярим финал жуфтлигидан ўрин олган ўйинлар бўлиб ўтди.
Унда Португалия Испанияга қарши баҳсда икки тўп фарқини йўққа чиқариб, ўйинни қўшимча бўлимларга олиб борди ва унда ғалабани қўлга киритди. Қозоғистон эса Эрон билан ўйинда 0:2 ҳисобини 3:2 га айлантира олди. Шу тариқа 29 сентябрь куни ярим финалнинг биринчи жуфтлигида Бразилия Аргентина билан баҳс олиб борса, 30 cентябрда Қозоғистон Португалия билан майдонга тушади.
Аввалроқ, жаҳон чемпионатида қатнашган Ўзбекистон футзал терма жамоаси юртимизга қайтиб келгани ва термамиз Эронга 8:9 ҳисобида мағлуб бўлгани ҳақида хабар берилганди.
Жамшидбек Амиров
