Маълум қилинишича, 29 сентябрь куни соат 08:05 да туманнинг Мустақиллик кўчасида ҳаракатланиб кетаётган "Lacetti" автомобилининг газ баллонида ёрилиши юзага келган. Ҳодиса оқибатида ҳайдовчи енгил тан жароҳати олган ва шифохонага юборилган.

 

Маълумот учун, автомашинада фақат ҳайдовчининг ўзи бўлган.

 

 

Ҳозирда ҳодиса сабаби аниқланмоқда. Воқеа жойига ФВБ, ИИБ, ССБ, Прокуратура ва бошқа тегишли идораларнинг куч-воситалари жалб қилиниб, вазият оқибатларини бартараф этиш ишлари бажарилган.

 

«Барча ҳайдовчилардан ўз бошқарувидаги транспорт воситасига ўрнатилган газ баллонидан фойдаланиш техник талабларига қаътий риоя этишларини сўраймиз», — дейилади хабарда.

 

Аввалроқ, Сурҳондарёда “UAZ” автомабилига ўрнатилган газ баллони нима сабабдан портлагани ҳамда Навоийда газ қуйиш шахобчаси портлаб кетгани ҳақида хабар берилганди.