Ўзбекистонда 10 дан ортиқ букмекерлик веб-сайтлари блокланди

 

 

Хабарда келтирилишича, агентлик Ўзбекистонда букмекерлик хизмати ҳали ҳам ноқонуний эканлигини эслатар экан, эндиликда ҳатто рекламада лотереялар ва букмекерлар ҳақидаги маълумотларни тарқатиш тақиқланганини таъкидлаган.

 

Шунга қарамай, интернетда букмекерларнинг онлайн бозори фаол ривожланмоқда. Истеъмолчилар ҳуқуқларини ҳимоя қилиш агентлиги ходимлари доимий равишда ижтимоий тармоқларда жойлаштирилган реклама маълумотларининг қонун талабларига мувофиқлигини ўрганишда давом этмоқда.

 

“Spot.uz” олдинги маълумотларига таяниб ёзишича, Ўзбекистонда хорижий букмекерлар воситачилари фаоллашиб, кўчаларда пул тикиш жараёнининг ташқи рекламаси пайдо бўла бошлаган.

 

Шундан сўнг, Истеъмолчилар ҳуқуқларини ҳимоя қилиш агентлиги ходимлари Фарғона вилоятида “1хBet” рекламаси ёзилган бир нечта баннер ва плакатларни демонтаж қилиб, тадбиркорларга огоҳлантириш берган.

 

Бундан олдин букмекерлик идораларига қўйилган тақиқ уларнинг мамлакатдаги ишларига деярли халақит бермаслиги айтилганди. Аммо букмекерлик ташкилотлари мамлакатдаги аҳолининг талабини кўриб, хизматларини таклиф қилишга шошилишди ва ҳатто маҳаллий шароитга мослашишди.

Уларнинг кўпчилиги маҳаллий “Uzcard” ва “HUMO” карталаридан тўловларни қабул қила бошлади.

 

Букмекерлик идоралари ўзларини мамлакатда шунчалик қулай ҳис қилмоқдаларки, улар ўз сайтларини ўзбек тилига таржима қилишди. Шунингдек, бу ерда сўровларга жавоб берадиган, бир нечта тилларда гаплашадиган ва бир нечта каналлар орқали қўллаб-қувватлаш хизматларини ишга туширди.

 

Ўтган йили Футбол ассоциацияси матбуот хизмати раҳбари Даврон Файзиев барчасини қонунийлаштириш, келгусида тоза фаолиятни назорат қилиш ва таъминлаш мақсадида букмекерлик идораларини қонунийлаштириш тартиби қабул қилинганини айтганди.

 

Бу орада хорижий букмекерлик идоралари Ўзбекистонда савдо белгиларини рўйхатдан ўтказишда ва ходимларни мамлакатдан қидиришда давом этмоқда.

 

Улар бир неча йиллардан буён букмекерлик фаолиятини қонунийлаштиришга уринмоқда.

 

Маълумот учун: 2021 йил 1 январдан бошлаб Капитал бозорини ривожлантириш агентлигидан (АРРК) лицензия олиш орқали букмекерлик фаолиятини амалга ошириш учун рухсат берилганди. Бироқ бошқа чора-тадбирлар (қонун ҳужжатларига ўзгартиришлар) киритилмади ва кейинчалик агентлик умуман тугатилди.

 

Аввалроқ ҳавога учган миллион долларлар ёхуд онлайн қимор жабрдийдалари, онлайн қиморда ютқазган йигит ўғирлик содир этгани ҳамда Ўзбекистонда букмекерлик ва тотализатор фаолияти ҳали ҳам қонуний эмаслиги маълум қилингани ҳақида хабар берилганди.

 

Оламгир Абдиев