Батумида ҳалок бўлганлар сони 5 кишига етди
Аввал хабар қилганимиздек, Грузиянинг Батуми шаҳрида турар-жой биносининг бир қисми қулаб тушган эди.
Грузия “Биринчи канали” тарқатган маълумотга кўра, мамлакат Ички ишлар вазирлиги ушбу воқеа юзасидан тергов ишлари олиб бормоқда, вайрона ичида қолганлар қидириляпти.
“Бугун бино вайроналари остидан беш кишининг жасади топилди. Қидирув-қутқарув ишлари давом этмоқда,” — деб хабар берди Грузия Ички ишлар вазирлиги.
«Рустави 2» телеканали маълумотларига кўра, қурбонлар орасида икки нафар болалар ҳам бўлган.
Бундан аввал Мисрда турар-жой биноси қулаши оқибатида 4 киши ҳалок бўлгани ҳамда Ҳиндистонда қурилаётган кўприкнинг бир қисми қулаб тушгани ҳақида хабар берилган эди.
Муножат Валиева
