Халқаро сиёсий шарҳловчи Президент сайлови жараёнига юқори баҳо берди
Халқаро медиа-холлда халқаро кузатувчилар билан учрашувлар давом этмоқда. Туркиядан келган кузатувчи, Yeni Şafak нашри сиёсий шарҳловчиси Гунгор Явузаслан сайлов жараёни ва Халқаро медиа-холл ҳақидаги фикрлари билан ўртоқлашди.
“Халқаро сиёсий шарҳловчиман. Ўзбекистонга иккинчи бор келишим. Туркияда юртингизга жуда ҳам катта ҳурмат билан қаралади. Сайловларда олдин ҳам кузатувчи сифатида иштирок этганман.
Cайлов жараёнларини кўриб ҳайратим ошди. Ҳар бир партия учун алоҳида жой ажратилган ва ёшлар билан давра суҳбатлари ўтказиляпти. Бу жуда муҳим.
Сўнгги беш йилда Ўзбекистондаги демократик жараёнлар анча ривожланди. Бу сайловлар мамлакат келажагини белгилаб беришига аминман. Мени эътиборимни тортган жиҳат –– ёшлар.
ОАВ демократиянинг ажралмас қисми. У демократик жараёнларни тараққий этишига ёрдам берадиган муҳим омил. Кўряпманки, сайлов жараёнларини ёритишда матбуотга катта имконият берилган”, – деди у.
Аввалроқ "Адолат" СДП нинг сайлов кампанияси бўйича брифинг ўтказгани ҳамда Сергей Лебедевнинг сайлов тўғрисидаги фикрлари хабар қилинганди.
