Генадий Бессонов, Россия Федерацияси кузатувчиси:
Сайлов ҳақидаги фикрлари билан бўлишди.
— Сайлов куни бир қанча сайлов участкаларида бўлдик. Мен қаерда бўлган бўлсам, биринчи навбатда тайёргарлик жараёнига эътибор қаратдим. Ташкилотчилар сайловга пухта тайёргарлик кўрганини эътироф этмаслик мумкин эмас. Сайлов участкаларида сайловга доир барча маълумотлар мавжуд, сайловчилар рўйхати илинган, тиббиёт хонаси, ҳатто болалар учун ҳам махсус жойлар қилинганига гувоҳ бўлдик.
Кузатув жараёнида номзодларнинг сайловолди дастури билан танишдим. Ҳар бир номзод мамлакат бугуни ва келажагига доир долзарб масалаларни кўтариб чиққан.
Сайлов кўтаринки руҳда, фаоллик ва уюшқоқлик билан ўтди. Одамлар унда эмин-эркин иштирок этиб, ўзи хоҳлаган номзодга овоз берди. Бир қанча сайловчилар билан бевосита суҳбатлашдим. Уларнинг ҳеч бири овоз беришга мажбуран келмаганига амин бўлдим. Эътибор беринг, соат кундузи 11 бўлмай айрим ҳудудларда 40 фоиз аҳоли сайловда ўз овозини бериб бўлган эди.
Мен бугун вазиятни билиш учун Ўзбекистоннинг Кореядаги элчиси билан телефон орқали суҳбатлашдим. У менга Кореяда сайлов фаол ва уюшқоқлик билан ўтгани, санаш ишлари тугаб, маълумотлар юборилганини айтди. Саноқли соатлардан кейин умумий натижа эълон қилинади.
Муножат Валиева
