ИШИД Ироқ армиясига ҳужум уюштирди

 

ИШИД жангарилари Ироқда армия базасига ҳужум уюштирди. Бу ҳақда “ТАСС” хабар берди.

 

Ҳужум Бағдод шимолидаги Ар-Рашидия атрофидаги  Ироқ армияси 11 дивизияси базасига уюштирилган. Оқибатда икки ҳарбий ҳалок бўлган.

 

Вазиятни ўнглаш мақсадида армия авиациясининг ҳарбий самолётлари ишга солинган. Шунингдек, базага ҳужум қилишдан аввал террорчилар  Дияла вилояти Ал-Микдадия шаҳри атрофида 14 нафар тинч аҳоли вакилларини ўлдириб, 15 нафарини ўғирлаб кетган. Ироқ президенти Бархам Солиҳ ўзининг Twitter саҳифасида бу каби ҳодисаларни “мамлакатдаги вазиятни қабиҳ равишда беқарорлаштириш” деб баҳолаган. Унинг сўзларига кўра, Ироқ хавфсизликни кучайтириши  ҳамда ИШИД дан бўладиган таҳдидларга қарши ҳушёр туриши керак. “Террорчилар тез орада жазоланади”, – деган президент.

 

Маълумот ўрнида: ИШИД 2014 йилда Ироқнинг учдан бир қисмини эгаллаб олишга муваффақ бўлган. 2015 йилдан бошлаб Халқаро коалиция ёрдамида мамлакатни террорчилардан тозалаш операцияси бошланган. 2017 йилда Ироқ ҳукумати ИШИД тўла мағлуб бўлганини эълон қилди.

 

Бундан аввал Ироқда ИШИД бош молиячиси қўлга олингани хабар қилинганди.

 

Жаҳонгир Қўзиев