Хитойда баъзи ҳайвонларни ейиш тақиқланди
Хитойда ит, мушук, кўршапалак каби бир қатор жонзотларни истеъмол қилиш расман тақиқланди.
COVID-19 дастлаб ҳайвонларда мутацияга учраб, одамларга юққани мутахассисларни зарур чоралар кўришга мажбур этяпти. Хусусан, энди Хитойда ит, мушук, кўршапалак каби бир қатор жонзотларни истеъмол қилиш расман тақиқланди. Бу ҳақда ССВ маълум қилди.
Бу қарор Хитой Халқ Республикаси Қишлоқ хўжалиги вазирлиги томонидан коронавирус пандемиясига қарши кураш самарадорлигини ошириш мақсадида қабул қилинди.
Чеклов бутун мамлакат бўйлаб амал қилиши, айтиляпти. Ит, мушук ва енот(ракун)лар уй ҳайвонлари рўйхатига киритилиши сабабли уларни мўйнаси учун сўйишга ҳам тақиқ қўйилди.
Аввалроқ, Ухань лабораторияси олимлари коронавирусни 2018 йилдаёқ чиқариб юбормоқчи бўлгани ҳамда Хитойда маймун вирусидан биринчи одам ўлими қайд этилган ҳақида хабар берилганди.
Муножат Валиева
