Тошкент – Бухоро йўналишида ҳаракатланган "Афросиёб" поезди нега йўлда тўхтаб қолди?
"Ўзбекистон темир йўллари" ҳолат юзасидан изоҳ берди.
Жорий йилнинг 3 ноябрь куни Тошкент – Бухоро йўналишидаги рейсда ҳаракатланган "Афросиёб" поезди йўлда тўхтаб қолди.
Қайд этилиишича, 3 ноябрь куни соат 22:23 да Тошкент – Бухоро йўналишидаги 766-сонли рейсда ҳаракатланган "Афросиёб" поезди режадан ташқари сафар давомида 4 дақиқага тўхтаб қолган.
Мазкур ҳолат борт тизимидаги носозлик туфайли юзага келган. Поезд машинистлари бортдаги барча қурилмаларни бошқариш тизимини тўлиқ қайта ишга туширган.
"Айнан шу вақтда йўловчилар томонидан олинган видеода: "Бизда тезюрар "Афросиёб"да ҳам свет ўчади" дея киноя фикр юритдилар. Борт тизими қайта ишга туширилгач, поезд ўз йўлида давом этди ва "Бухоро" темирйўл вокзалига етиб борди", — дейилади хабарда.
Таъкидланишича, замонавий, юқори тезликда ҳаракатланувчи поездлар ҳаракатни ташкил қилиш билан боғлиқ барча хавфсизлик талаблари ҳисобга олган ҳолда ишлаб чиқарилган.
Маълумот учун: Испания (Patentes Talgo S.L.U.) дa ишлаб чиқарилган замонавий юқори тезликда ҳаракатланувчи поездлари ҳаракатини ташкил қилиш билан боғлиқ барча хавфсизлик талаблари ҳисобга олган ҳолда ишлаб чиқарилган.
Эслатиб ўтамиз, аввалроқ "Афросиёб" поездининг қўшимча рейслари йўлга қўйилиши, Тошкент — Шаҳрисабз — Тошкент йўловчи поездининг ҳаракат жадвали ўзгаргани, темир йўлда ухлаб қолган шахс поезд ва кесишмадаги автомобиллар ҳаракати тўхташига сабаб бўлгани ҳамда "Афросиёб" поезди ҳаракат жадвалига ўзгартириш киритилгани тўғрисида хабар бергандик.
