Мессининг “Олтин тўп” олгани мутлақо ёлғон ва бемаънилик — Паскал Феррет
“France Football” журнали бош муҳаррири Паскал Феррет “ПСЖ” ҳужумчиси Лионел Месси “Олтин тўп”ни олиши ҳақидаги хабарга муносабат билдирди.
Бундан аввал аргентиналик футболчи совринни қўлга киритгани ҳақида хабарлар тарқалганди.
“Дарҳақиқат, охирги 10 кун ичида шундай гап-сўзларни эшитдик. Лекин бу мутлақо ёлғон ва бемаънилик.” — деди у.
Эслатиб ўтамиз, ўтган мавсумда Месси Аргентина терма жамоаси билан Америка кубогини қўлга киритди. “Барселона” билан Ла Лиганинг энг яхши тўпурарига айланди. Испания чемпионатида 30 та гол уришга муваффақ бўлди.
Эслатиб ўтамиз, “Олтин тўп” 29 ноябрь куни Парижда топширилади.
Аввалроқ Рамоснинг “ПСЖ”даги дебюти яна қолдирилгани ва Ла Лиганинг икки клуби бош мураббийсиз қолгани ҳақида хабар берилганди.
Жамшидбек Амиров
