Таиландда ўтказилган рақс танловида ўзбек миллий рақси биринчи ўринни эгаллади
Танловда жами 22 жамоа аъзолари — мингдан ортиқ иштирокчи турли номинациялар бўйича ғолиблик учун курашди.
Жорий йил 13 октябрь – 7 ноябрь кунлари Таиланд маданият вазирлиги ва Таиланд рақс ўқитувчиларининг ҳамдўстлик жамияти томонидан ташкил этилган “8th Thailand Dance Grand Prix” рақс танловида Ўзбекистон вакиллари муваффақиятли қатнашди.
“Чет давлатларнинг миллий рақси” номинациясининг яккалик баҳсларида Ўзбекистон давлат хореография академияси битирувчиси Қуролбой Сапаров томонидан саҳналаштирилган рақс 1-ўринга лойиқ, деб топилди. Вакилларимиз, шунингдек, 11 ва 15 ёшли иштирокчилар орасида 3-ўринни эгаллади.
Аввалроқ Ўзбекистонга Раж Капур бюсти тақдим этилгани, Турк ва ҳинд киноижодкорлари билан ижодий кеча ташкил этилгани ҳамда “Мисс Россия мигрантлар федерацияси” гўзаллик танловида икки нафар ўзбекистонлик қиз финалга чиққани ҳақида хабар берилганди.
