Эриксен учун бу мавсум тугади…ми?
Евро-2020 турнирида юрак хуружига учраган “Интер” ярим ҳимоячиси Кристиан Эриксен реабилитация курсини давом эттирмоқда.
Айни пайтда 29 ёшли ярим ҳимоячи Даниядаги уйида. У фаолиятини давом эттиришни режалаштирмоқда, лекин катта эҳтимол билан кейинги мавсумда буни амалга ошириши мумкин. Футболчи Дания ёки Голландия клубларидан бирига ўтиши мумкин. Аввалроқ, Эриксенга “Аякс” клуби ҳам қизиқиш билдираётгани хабар қилинганди.
Эслатиб ўтамиз, 12 июнь куни Евро-2020 гуруҳ босқичининг Финляндия ва Дания терма жамоалари ўртасидаги ўйинда Эриксен майдонга йиқилиб, ўрнидан туролмай қолганди. Спортчига 15 дақиқа давомида стадионнинг ўзида тез тиббий ёрдам кўрсатилган. Шундан сўнг у касалхонага олиб кетилган. Ўшандан бери футболчи бирорта расмий ўйинларда иштирок этгани йўқ.
Аввалроқ Париж клуби Карим Бенземани қўлга киритмоқчилиги ва Ҳоланднинг аҳволи ҳақида маълумот берилгани ҳақида хабар берилганди.
Жамшидбек Амиров
