Бабаян мураббийликка қайтди
Ўзбекистон миллий футбол терма жамоасининг собиқ бош мураббийи Самвел Бабаян Наманганнинг “Навбаҳор” клуби бош мураббийи этиб тайинланди.
Бабаян “Пахтакор” клубида 2002-2014 йиллар оралиғида вице-президент лавозимида ишлаган. У 2014-2015 йилги мавсумда “Пахтакор” клубида бош мураббий сифатида фаолият олиб борган. Ўша вақтда Бабаян бошлигидаги жамоа мамлакат чемпионлигини қўлга киритган эди. Шундан сўнг 2015-2017 йиллар Ўзбекистон миллий терма жамоаси бош мураббийи сифатида иш олиб борган.Терма жамоа мураббийлигидан бўшатилганидан сўнг, “Спартак”, “Локомотив” ва “Чанчунь Ятай” клубларида турли лавозимларда фаолият кўрсатган. Бу йилги мавсумда Самвел Бабаян “Навбаҳор” клуби бош мураббийи Виктор Жалиловга ёрдамчи мураббий сифатида ишлаб келаётган эди.
Аввалроқ миллий терма жамоамиз йирик ҳисобда ғалаба қозонгани ва FIFА рейтингида Ўзбекистон термаси нечанчи ўринда бораётгани ҳақида хабар берилганди.
Жамшидбек Амиров
