Фернандешни хафа қилишдими?
“Манчестер Юнайтед”да пенальтиларни Бруну Фернандеш ўрнига Роналду амалга ошира бошлади.
Бундан аввал Бруну 11 метрлик зарбалар сифати бўйича бутун Премьер-лигада биринчи ўринда эди. Бироқ кеча оқшом “Арсенал”га қарши ўйинда бу иш Роналдуга топширилди. Фернандеш эса бу вазиятдан хафа эмаслигини билдирди:
“Бизда бу масала бўйича суҳбат бўлмаган. Энди Роналдуга ўзимдек ишонаман. Криштианунинг ёриб ўтиш вақти келди. Умуман олганда, зарбани ким йўллаши унчалик муҳим эмас”, - дейди Бруну.
Эслатиб ўтамиз, Фернандес “Арсенал”га қарши ўйинда Манчестер клуби сафида ўзининг юбилей юзинчи ўйинида иштирок этди.
Аввалроқ “Манчестер Юнайтед” собиқ дарвозабони Сулшер қабул қилган қарорларни танқид қилгани ва Эрлинг Ҳоланднинг кейинги клуби “Манчестер Сити” бўлиши мумкинлиги ҳақида хабар берилганди.
Жамшидбек Амиров
