Марҳум Бош прокуратура ходимининг оиласига конпенсация ажратилиши мумкин
Тошкент шаҳар судлов ҳайъатининг ажрими билан иш янгидан кўриш учун биринчи инстанция судига юборилган.
Маълумки, Ўзбекистон Бош прокуратурасининг 33 ёшли ходими Самир Раҳмонов вафот этганлиги маълум қилинганди. Марҳумнинг отаси депутатга мурожаат қилиб, марҳум хизмат вазифасини бажараётган вақтда иш жойида вафот этганлиги, 4 нафар вояга етмаган фарзандлари боқувчисиз қолса-да, унинг оиласига қонунга асосан кафолатланган нафақа пуллари тўлаб берилмаётганинини ҳақида хабар берилганди.
Хусусан, фуқаролик ишлари бўйича Тошкент шаҳар суди марҳум Бош прокуратура ходимининг вафоти муносабати билан товон пули ва маънавий зарар ундириш бўйича Бош прокуратурани судга берган А.Рахмоновнинг даъвосини рад қилганди.
Ҳозирда мазкур Суд Миробод туманлараро судининг ушбу қарорини бекор қилди.
Асосий сабаб ишни кўриш чоғида қонунчилик бузилганлиги, ишни пухта ўрганмаганлиги сабабли “РСТЭИАМ” Тошкент шаҳар филиали Морфология бўлими Сергели пунктининг давлат суд тиббий экспертизасининг бошлиғи ҳамда Тошкент шаҳар Бандлик бош бошқармаси Давлат меҳнат ҳуқуқ инспекциясининг бошлиғига нисбатан хусусий ажрим чиқарилган.
Апелляция шикояти киритилгач, 2021 йил 12 ноябрь куни Тошкент шаҳар суди фуқаролик ишлари бўйича судлов ҳайъатида кўриш бошланган.
Ишни кўриш жараёнида бир қатор ташкилотлар ИИВ Тиббиёт бошқармаси, Бош прокуратурадан 6 нафар ходим ва ўша куни бўлимда иш ўрганишда бўлган Ҳарбий прокуратура аппарати ходими, Тошкент шаҳар Бандлик бош бошқармаси Давлат меҳнат ҳуқуқ инспекцияси, Соғлиқни сақлаш вазирлиги ТХКМРМКТК, Шайхонтоҳур туман прокуратураси, Миробод тумани прокуратураси, РСТЭИАМ Тошкент шаҳар филиали Морфология бўлими Сергели пунктининг давлат суд тиббий экспертизасидан ва шу каби вакилларнинг кўрсатмалари эшитилиб, ёзма маълумотлар ва тегишли ҳужжатлар олинган.
Шу билан бирга, А. Рахмоновнинг ўзи боқувчисини йўқотганлик учун нафақа олиш ҳуқуқига эга шахслар доирасига кирмаслиги сабабли, 2021 йил 6 декабрь куни судлов ҳайъатининг ажрими билан биринчи инстанция судининг ҳал қилув қарори бекор қилинди.
Эслатиб ўтамиз, аввалроқ Тахиатош ИИБга олиб кетилган фуқаронинг ўлими юзасидан маълумот берилгани ҳақида хабар берилганди.
Чўлпоной Аҳмедова
