Одил Аҳмедовга “Арсенал” клуби қизиққани ростми?
Ҳозирда Ўзбекистон терма жамоасининг собиқ сардори Хитойнинг “Цанчжоу Майти Лайонс” клубида тўп сурмоқда.
“Терма жамоамиз билан Осиё чемпионатида иштирок этганимдан сўнг “Анжи” клубига ўтганман. Жамоа трансферимни тўлалигича сотиб олганидан кейин, 4 йиллик шартнома имзоладим. Бир мавсум якунига етганидан сўнг, Англиянинг “Арсенал” клубидан таклиф тушган. Шунда “Анжи” раҳбари Сулейман Керимов мени ёнига чақириб, унинг лойиҳасидаги керакли инсон эканлигимни айтган ва мени бошқа жамоага қўйиб юбормаслигини маълум қилган. Агар чемпионликка эришсак, мени текинга қўйиб юборишини айтган. Шу тариқа “Арсенал” тўғрисида бошқа гап-сўз бўлмаган. Футболда кўп нарса ўйинчининг ўзига боғлиқ эмас. У бирор бир жамоага ўтиши учун клублар ўзаро гаплашиб олиши, агентлар келишиши лозим”.
Аввалроқ “Насаф” клуби энди футболчи сотиб ололмаслиги ва миллий терма жамоамиз йирик ҳисобда ғалаба қозонгани ҳақида хабар берилганди.
Жамшидбек Амиров
