Жорий йилнинг 11 ойи давомида давлатга 35.5 миллиард зарар етказилган
«Ўзсувтаъминоти» АЖ тармоққа ноқонуний уланиш ҳолатлари статистикасини маълум қилди.
Жорий йилнинг январь-ноябрь ойларида “Ўзсувтаъминот” АЖ ва унинг ҳудудий масъулияти чекланган жамиятлари томонидан сув таъминоти ва оқова сув тармоқларига 3 704 та ноқонуний уланиш ҳолатлари аниқланди. Бу ҳақда “Ўзсувтаъминоти” АЖ матбуот хизмати хабар берди.
Қайд этилишича, энг юқори кўрсаткичлар Хоразм вилоятида 910 та, Наманган вилоятида 714 та ва Тошкент вилоятида 599 та ҳолатни ташкил этган. Мазкур қонунбузарликлар туфайли давлат ва жамият манфаатларига жами 35,2 миллиард сўмлик зарар етказилган.
Ушбу давр мобайнида акциядорлик жамияти ва унинг ҳудудий масъулияти чекланган жамиятлари томонидан республика бўйича 5 421 нафар жисмоний ва юридик истеъмолчи жами 19,8 миллиард сўмлик қарздорлиги учун сув таъминоти тармоғидан узилган.
Аввалроқ Самарқандда газ таъминотига ноқонуний фойдаланишнинг 12 та ҳолати аниқланиб, давлатга 2 миллиард 825 миллион сўм зарар етказилгани хабар қилинганди.
Жавоҳирбек Турсунов
