Тошкент вилоятида янги иссиқлик электр станцияси ишга туширилмоқда
Мазкур лойиҳа орқали йилига 550 млн метр куб табиий газ тежалади.
Туркиянинг “Aksa Enerji” компанияси томонидан Тошкент вилоятида қуввати 240 МВт бўлган буғ-газ ва қуввати 230 МВт бўлган газ-поршенли электр станциясини қуриш лойиҳаси амалга оширилмоқда. Бу ҳақда Энергетика вазирлиги матбуот хизмати хабар берди.
Объектда курилиш-монтаж ишлари якунланиб созлаш ва ишга тушириш ишлари бажарилмокда. 22 декабрь куни электр станциянинг очиқ тақсимлаш қурилмасига илк кучланиш берилди. Айни пайтда курилманинг ёрдамчи ускуналари ишга туширилмокда.
Якин кунларда электр станция Ўзбекистоннинг ягона электр тармоғига уланиб, қувват узатишни бошлайди.
Электр станцияси ишга туширилиши натижасида йилига 3,9 миллиард киловатт-соат электр энергияси ишлаб чиқарилади. Ушбу лойиҳани амалга ошириш ҳисобига йилига 550 миллион метр куб табиий газ тежалишига эришилади.
