Ралф Рангник: “Ўйинимиз менга умуман ёқмади”
“Манчестер Юнайтед” бош мураббийи Ралф Рангник “Нюкасл”га қарши ўйин ҳақида фикр билдирди.
“Бугун биз деярли ўйинни назорат қилмадик. Тўпни тез-тез йўқотиб қўйдик. Агар сиз рақибингизга босим ўтказмоқчи бўлсангиз, жисмонан яхши тайёргарликка эга бўлишингиз керак. Жамоамиз кеча кўплаб хатоларга йўл қўйди. Ҳисобни тенглаштирганимизда ҳам ташаббусни қўлга олиб, ўйинни назорат қила олмадик. Ўйинимиз менга умуман ёқмади.”
Эслатиб ўтамиз, кеча “Sent Jeyms Park - Sports Direct Arena”да Англия премьер-лигасининг 19-тури доирасида “Нюкасл” клуби “Манчестер Юнайтед”ни қабул қилди. Ушбу баҳс 1:1 ҳисобидаги натижа билан якунланди.
Маълумот ўрнида: Англия премьер-лигаси турнир жадвалида “Манчестер Юнайтед” клуби 28 очко билан 7-ўринда бораётган бўлса, “Нюкасл” 11 очко жамғарган ҳолда 19-ўринни эгаллаб турибди.
Аввалроқ, Жеррардда коронавирус аниқлангани ва Алексей Миранчукнинг харидори кўпайгани ҳақида хабар берилганди.
Жамшидбек Амиров
