Солиқ мобил иловасида чек QR-кодини сканерлаб 1% кешбекка эга бўлиш имкони яратилди
Маблағ жисмоний шахсларнинг банк карталарига ой якуни билан қайтарилади.
Бу ҳақда “Солиқ хизмати хабарлари” Telegram каналида хабар берилди.
2022 йил 1 январдан чакана савдо, умумий овқатланиш ва аҳолига маиший хизмат кўрсатиш объектларида амалга оширилган харид учун берилган онлайн назорат-касса техникаси чеклари ҚР-коди орқали қўшимча маблағга эга бўлиши мумкин.
Унда мобил иловани сканерлаш орқали рўйхатдан ўтказган жисмоний шахслар харид суммасидан 1 % кешбекка эга бўлади.
Автомобиль сотиб олганлик, темир йўл ва авиа чипта хариди, коммунал ва алоқа хизмати учун тўловлар амалга оширилганда олинган харид чеклари учун кешбек қайтарилмайди.
Эслатиб ўтамиз, аввалроқ маҳсулот сотиб олган харидорга харид суммасининг 1 фоизи қайтарилиши ҳамда 25 ёшдан ошмаган ходимлар учун ижтимоий солиқ суммаси давлат бюджетидан қопланиши ҳақида хабар берилганди.
Чўлпоной Аҳмедова
