Бухорода 6 нафар ўқувчи муддатидан олдин талаба бўлди
Уларнинг барчаси хорижий тил имтиҳониларни муваффақиятли топширган.
Тил билиш даражасини белгиловчи IELTS сертификатини қўлга киритган бухоролик иқтидорли ўқувчиларнинг яна олти нафари мактабдаёқ хорижий ОТМ талабаси бўлишди.
Синовлардан муваффақиятли ўтган Олот туманидаги 31-ИДУМИ ўқувчилари Жаҳонгир Шаропов, Орзу Раҳматуллаева, Нигина Омонова;
Когон туманидаги 3-умумий ўрта таълим мактабининг 11-синф ўқувчилари Аббос Умедов ва Акобир Юсупов;
Жондор туманидаги 21-умумтаълим мактаби битирувчиси Элбек Темиров British Management University'нинг Ўзбекистондаги филиалига муддатидан олдин ўқишга қабул қилинди.
Эслатиб ўтамиз, аввалроқ имтиёзга эга абитуриентлар тўғрисидаги маълумотлар эълон қилингани ҳамда тавсиянома асосида 2 минг 30 нафар хотин-қиз давлат гранти асосида талабаликка қабул қилингани ҳақида хабар берилганди.
