“Бахтиқаро” Бейл яна Англияга қайтади
У шу ерда фаолиятини якунламоқчи.
Мадриднинг “Реал” клуби ҳужумчиси Гарет Бейл фаолиятини “шпорлар”да якунламоқчи. Шу сабабли футболчи “Тоттенҳем”га қайтишга ҳаракат қилмоқда. Бу ҳақда “Fichajes” нашри хабар бермоқда.
32 ёшли Бейлнинг испан клуби билан шартномаси жорий мавсум охирида якунига етади. Жорий мавсумда уэлслик ҳужумчи Испания Ла Лигасининг тўртта ўйинида битта гол урди.
Эслатиб ўтамиз, Бейл 2007 йилдан 2013 йилга қадар “Тоттенҳем” клубида тўп сурган. Ўтган мавсумда у “шпорлар” таркида ижара асосида ўйнади. Гарет инглиз клуби сафида жами 237 та ўйин ўтказиб, 72 та гол урган ва 61 та голли узатмани амалга оширган. Бейлнинг трансфер қиймати 5 миллион еврога баҳоланмоқда.
Аввалроқ, Бейлнинг жисмоний ҳолати ҳақида маълумот берилгани ва “Милан” Тео Эрнандес билан янги шартнома имзолагани хабар қилинганди.
Жамшидбек Амиров
