“Мен уларнинг ёнида бўлишим керак”
Агуэро ЖЧ-2022да Аргентинага ёрдам бермоқчи.
Каталониянинг “Барселона” клубининг 33 ёшли собиқ футболчиси Серхио Агуэро Қатарда бўлиб ўтадиган жаҳон чемпионатида терма жамоага ёрдам беришга ва мураббийлар штабига киришга тайёр эканлигини айтди.
“Мен Қатардаги жаҳон чемпионатига бораман. Шу ҳафта терма жамоа билан учрашувимиз бўлади. Мен у ерда бўлишни хоҳлайман. Мураббийлар штабига киришга тайёрман. Aллақачон бош мураббий Лионел Скалони, шунингдек, футбол федерацияси президенти Клаудио Тапия билан суҳбатлашдим. Агар жаҳон чемпионатига чиқсам, йигитлар билан бирга бўламан, машғулотларда қатнашаман. Мен уларнинг ёнида бўлишим керак”, — дея “Goal” нашри Агуэронинг сўзларидан иқтибос келтирди.
Эслатиб ўтамиз, Серхио Агуэро ўтган йили юрагидаги муаммо сабаб футболчилик фаолиятини якунлаган эди.
Аввалроқ, Риёд Маҳрез бўйдоқлар сафидан чиққани ва “Барселона” клуби норозичилик бошлангани ҳақида хабар берилганди.
Жамшидбек Амиров
