Тошкент – Боку – Тошкент йўналиши бўйича авиақатновлар қайта тикланмоқда
Парвозлар ҳафтада 1 марта амалга оширилади.
2022 йил 8 мартдан бошлаб Ўзбекистон ҳаво йўллари миллий авиакомпанияси узоқ танаффусдан сўнг Бокуга ҳафталик қатновларни тикламоқда. Бу ҳақда миллий авиакомпания матбуот хизмати хабар қилди.
Маълум қилинишича, парвозлар ҳафтада бир марта – сешанба кунлари қишки жадвал давомида қуйидаги жадвалга мувофиқ амалга оширилади:
Тошкент – Боку
учиш 14:40 – етиб бориш 16:35 (маҳаллий вақт билан)
Боку – Тошкент
учиш 17:35 – етиб бориш 21:10 (маҳаллий вақт билан).
