Италия Украинага ёрдам сифатида 110 млн евро ажратди
Шунингдек, Евроиттифоқ Украина армияси учун қурол ва бошқа материаллар, хусусан, ёқилғи етказиб беришни молиялаштирмоқчи.
Италия ташқи ишлар вазири Луиджи Ди Маё Украина ҳукуматига зудлик билан 110 миллион евро тўлаш бўйича резолюция имзоланганини маълум қилди.
“Мен ҳамкасбим Дмитрий Кулебага яқинда Киев ҳукуматига зудлик билан 110 миллион евро тўлаш тўғрисидаги қарорни имзолаганимни айтдим, бу Италия биз билан биродарлик алоқалари мавжуд бўлган халқни қўллаб-қувватлашининг аниқ ифодаси”, — деди Ди Маё.
Бундан ташқари, якшанба куни ЕИ дипломатияси раҳбари Жосеп Боррел блокка Украина армияси учун қурол ва бошқа материаллар, хусусан, ёқилғи етказиб беришни молиялаштиришни таклиф қилди.
Эслатиб ўтамиз, Украинага Германия, Хитой ва Франсиядан инсонпарварлик ёрдами келган.
