Ташқи ишлар вазирлигида янги тайинловлар маълум қилинди
Йиғилиш Ўзбекистон Республикаси Ташқи ишлар вазири Абдулазиз Камилов раислигида бўлиб ўтди.
Ўзбекистон Республикаси Ташқи ишлар вазирлиги ахборот хизмати хабарига кўра бугун ТИВнинг кенгайтирилган Ҳайъат йиғилиши бўлиб ўтди.
Йиғилишда вазирлик таркибий бўлинмаларига янги тайинланган раҳбарлар таништирилди.
Унга кўра:
Ибрагимов Бахтиёр Баҳодирович (илгари Ўзбекистоннинг Бирлашган Араб Амирликларидаги Элчиси лавозимида ишлаган) – Иқтисодий дипломатия департаменти директори лавозимига тайинланди;
Мирзарахимов Сарвар Хамитжанович (илгари Давлат протоколи бошқармаси бўлим бошлиғи лавозимида ишлаган) –Давлат протоколи бошқармаси бошлиғи в.Б. лавозимига тайинланди;
Акрамов Умид Шуҳратович (илгари Ташқи ишлар вазирлиги Молия-иқтисодиёт бошқармаси бош мутахассиси лавозимида ишлаган) – Иқтисодий таъминот бўлими бошлиғи в.Б. лавозимига тайинланди.
