Польшадан яна 300 га яқин ватандошимиз олиб келинди
Улар бугун Тошкент вақти билан соат 9:15да эвакуация қилинган.
Жорий йилнинг 1 март ҳолатига кўра, Ўзбекистон дипломатик ваколатхоналари ва мутасадди ташкилотларининг саъй-ҳаракатлари натижасида Украинадан жами 509 нафар Ўзбекистон Республикаси фуқароси Ватанимизга қайтарилди.
Ҳозирги вақтда “Карчова” назорат-ўтиш пунктидаги тўпланиш жойида бўлиб турган 650 дан ортиқ фуқароларимиз учун барча зарур шароитлар яратилган. Юртдошларимизни олиб келиш учун яна қатор эвакуацион рейсларни ташкиллаштириш кўзда тутилмоқда.
Ўзбекистоннинг Польшадаги Элчихонаси дипломатлари фуқароларнинг масалаларини ҳал қилиш билан шуғулланмоқда ва уларнинг аеропортда бўлиб туришларини мувофиқлаштирмоқда. Элчихонада узлуксиз ишлайдиган тезкор штаб ташкил этилган.
Эслатиб ўтамиз, аввалроқ Украинадан эвакуация қилинган фуқаролар Тошкентга етиб келгани ҳақида хабар берилганди.
