“Uzbekistan Airways” Россия шаҳарларига парвозлар жадвалини ўзгартирди
3-мартидан 26-мартигача Ўзбекистон — Сочи — Ўзбекистон йўналишида қўшимча қатновлар жорий этилди.
Россия томонидан ҳаво ҳудуди бир қисми ёпилиши билан боғлиқ чеклов чораларини ҳисобга олган ҳолда, "Uzbekistan Airways" жорий йил 3-мартидан 26-мартигача Ўзбекистон — Сочи — Ўзбекистон йўналишида қўшимча қатновлар жорий этилганини маълум қилди.
Қўшимча рейслар киритилганидан келиб чиқиб, қуйидаги йўналишлар бўйича қатнови тўхтатилган:
HY3687/3688 ва HY9687/9688 Тошкент — Краснодар — Тошкент йўналиши бўйича;
HY9647/9648 Тошкент — Ростов-Дон — Тошкент йўналиши бўйича;
HY9825/9826 Наманган — Краснодар — Наманган йўналиши бўйича парвозлар.
Йўловчилар аеропортларга белгиланган вақтдан олдинроқ келиши керак. Шунингдек, Краснодар ва Ростов-Дон шаҳарларига - шаҳарларидан аввал бекор бўлган парвозлар йўловчилари авиачипталари тўлиқ қийматини чипта сотиб олинган жойда қайтариб олиш ёки 2022-йил 3-мартдан бошлаб ҳар қандай бўш санага бепул қайта бронлаш ҳуқуқи мавжуд.
