АҚШ Москвани энг яқин ҳамкоридан жудо қилмоқчи
Вашингтон Россиянинг Хитойдан чиплар сотиб олишини чекламоқчи.
Вашингтон Хитойни Россия масаласида қаттиқ огоҳлантирди. Бу ҳақда “ТАСС” хабар берди.
Қўшма штатлар савдо вазири Жина Раймондонинг сўзларига кўра, Хитой компаниялари Москвага қарши санкцияларга амал қилмаган тақдирда технология ва дастурий таъминот импорт қила олмайди.
“Россия чекловларни четлаб ўтиш учун бошқа давлатларни айланиб ўтади аммо Вашингтон Шанхайдаги SMIC каби ярим ўтказгич ишлаб чиқарадиган коорпорацияларнинг Россия билан савдо қилишини аниқласа, технология ва дастурий таъминотдан маҳрум қилиб, шунчаки, уни ёпиб қўяди. Бу Хитойнинг чип ишлаб чиқариш салоҳиятига ўнгланмас зарба беради”, – деган сиёсатчи.
Маълумот ўрнида: Россиянинг Украинадаги махсус операцияси ортидан Ғарб юқори технологиялар саноатига ҳам санкциялар жорий этди. Унга кўра, Москва АҚШ ва унинг иттифоқчиларидан ярим ўтказгичлар харид қила олмайди. Экспертлар эндиликда ушбу йўналишда Хитой РФнинг асосий ҳамкори бўлишини тахмин қилаётган эди.
Эслатиб ўтамиз, аввалроқ Туркия Россияга қарши санкция қўллай олмаслигини маълум қилганди.
