Россия БМТдан Украинадаги АҚШ лабораториялари бўйича йиғилиш ўтказишни талаб қилди
Украинада хавфли инфекция қўзғатувчи 30 та биологик лаборатория мавжуд, — Дмитрий Полянский.
Россия Украинадаги Америка биологик лабораториялари фаолияти муносабати билан БМТ Хавфсизлик Кенгаши йиғилишини ўтказишни талаб қилди. Бу ҳақда Россия Федерациясининг БМТдаги доимий вакили ўринбосари Дмитрий Полянский.
Унинг аниқлик киритишича, Россия Федерацияси 11 март куни “АҚШнинг Украина ҳудудидаги ҳарбий биологик фаолиятини муҳокама қилиш” бўйича йиғилиш ўтказиш ташаббуси билан чиққан.
Аввалроқ Россия Мудофаа вазирлиги Украинада Пентагон билан қўшма дастурлар доирасида хавфли инфекциялар қўзғатувчилари билан ишлайдиган 30 та биологик лаборатория мавжудлигини маълум қилганди.
Эслатиб ўтамиз, Президент Владимир Зеленский 10-март куни видеомурожаатида Россия украиналикларга қарши биологик ва кимёвий қурол қўллаши мумкинлигини айтди.
Давлат раҳбарининг сўзларига кўра, Москва Киев бактериологик қурол ишлаб чиқараётганини даъво қилмоқда.
"Россия томонининг айбловлари ҳар доим унинг режалари ҳақида гапиради", дейди Зеленский.
