UNICEF украиналик болалар учун онлайн боғчани ишга туширмоқда
Ҳозирги қийин вазиятда болалар эътиборини таълимга қаратиш керак — UNICEF.
UNICEF Украина Таълим ва фан вазирлиги кўмагида NUMO лойиҳасини ишга туширмоқда, бу онлайн болалар боғчасидир.
"YUNISEF Таълим ва фан вазирлиги кўмагида мактабгача ёшдаги болалар учун ўқув видеолари форматида НУМО болалар боғчасини ишга туширмоқда. Ушбу қийин даврда лойиҳа ота-оналарга фарзандларини когнитив ва ривожлантирувчи фаолиятга жалб қилишда ёрдам беради", — дейилади вазирлик матбуот хизмати хабарида.
Қайд этилишича, ҳозирда кўплаб оилалар бошпаналарда, йўлда ёки янги жойга мослашишга уринишга мажбур бўлмоқда ва NUMO лойиҳаси ота-оналарга фарзандларининг қийин даврдаги вақтини мазмунли ташкил этиш ва таълим жараёни билан алоқада бўлишга ёрдам беради.
"Биринчи сон тез орада Таълим ва фан вазирлиги ҳамда YUNISEF платформаларида, кейин эса телевидениеда пайдо бўлади. Биз болалар ўқишни давом эттириши ва зарур ҳаётий кўникмаларни эгаллаши учун барча имкониятларни ишга соляпмиз", — дейилади хабарда.
Эслатиб ўтамиз, аввалроқ Украинадаги икки ҳафталик уруши давомида 71 бола ҳалок бўлгани, 100 дан ортиқ бола жароҳатлангани хабар қилинганди.
