Хитойга хакерлар ҳужуми кескин кучайди — Синьхуа
Киберҳужумлар асосан қайси давлатдан амалга оширилгани очиқланди.
Хитой хорижий давлатлардан киберҳужумлар кескин кўпайганини маъулм қилди. Бу ҳақда Интернет мониторинги бўйича давлат фавқулодда марказига асосланиб "Синьхуа" агентлиги хабар берди.
Унга кўра, чет эллик, асосан АҚШда жойлашган хакерлар Хитой компьютерларини бузиб кирмоқда. Шундан кейин улар бу техника орқали Россия, Беларусь ва Украинага киберҳужум уюштиряпти.
Ҳужумлар айниқса, февраль охиридан кучайган. Айниқса, Америкалик хакерлар фаоллашгани қайд этилган. Хусусан, биргина Нью-Йорк штатидан 10 дан ортиқ киберҳужум уюштирилган.
Киберҳужумларнинг 87 фоизи Россияга қарши қаратилган.
Эслатиб ўтамиз, аввалроқ Anonymous хакерлари Россия давлат телеканаллари эфирини бузиб киргани тўғрисида хабар берилганди.
