Душанба куни НАТОнинг йирик машғулотларига старт берилади
Унда 30 минг ҳарбий иштирок этиши кутилмоқда.
14 март куни Норвегияда НАТО ҳарбий машғулотлари бўлиб ўтади.
Бу ҳақда BBC хабар берди.
Cold Response-2022 ўқув машқларида 27 давлатдан 30 минг ҳарбий, 200 самолёт ва 50 та кема иштирок этади. Ушбу машғулотлар Россиянинг Украинадаги ҳарбий операцияси бошланишидан олдин режалаштирилган эди. Унда агрессияга учраган альянс аъзосига ҳарбий ёрдам кўрсатиш сценарийси кўриб чиқилади
НАТО қўшинлари Норвегия денгизида, шунингдек, мамлакат шимоли ва марказида ҳаракат қилади.
"Машғулотлар Норвегия ва унинг иттифоқчилари хавфсизлиги учун ўта муҳим. У Россиянинг Украинага ҳужуми ортидан ташкиллаштирилмаган, аммо ушбу воқеалар фонида алоҳида аҳамиятга эга",— деган Норвегия мудофаа вазири Роджер Эноксен.
Эслатиб ўтамиз, аввалроқ Байден НАТОнинг ҳар бир дьюм ери қаттиқ ҳимоя қилинишини маълум қилганди.
