Ўзбекистон  БАА даги "TESOL Arabia" халқаро конференцияда иштирок этади

 

Бугун конференция ва кўргазманинг очилиш маросими бўлиб, унда дунёнинг турли бурчакларидан ташриф буюрган мутахассислар, таълим соҳасидаги нуфузли ташкилотлар вакиллари иштирок этишди.

 

Конференцияда Президент таълим муассасалари агентлиги делегацияси номидан Агентликнинг Селекция ва педагоглар малакасини ошириш бўлими бошлиғи Наргиза Қўчкарова "Ўқитувчиларнинг касбий ривожланишидаги янги парадигма" мавзусида нутқ сўзлади.

 

Унда Президент таълим муассасалари агентлиги тизимидаги ўқитувчилар малакасини ошириш ва касбий ривожлантириш имкониятлари ҳақида йиғилганларга тақдимот қилинди.

 

Шунингдек, Наргиза Қўчкарова ўз нутқида:

 

— Агентлик тизимидаги таълим муассасалари ва ташкилотлар,

— педагоглар малакасини ошириш борасида Агентлик тизимида амалга оширилган ишлар, бундаги ўзига хос ёндашув

— Агентлик қошида ташкил этилаётган ноёб малака ошириш тизими — PDQ (Professional Development Qualification) дастури,

— Агентлик ҳузуридаги Педагогик маҳорат ва халқаро баҳолаш маркази томонидан ташкил этилган "Замонавий тренер" ҳафталиги ҳақида маълумот берди.