АҚШ Пекинни қаттиқ огоҳлантирди
Бу огоҳлантириш Россия билан боғлиқ.
АҚШ Хитойни Россияга ҳарбий ёрдам кўрсатган тақдирда оғир оқибатлардан огоҳлантирди.
Бу ҳақда BBC хабар берди.
Бундан аввал Американинг етакчи ОАВлари Россия ХХрдан ёрдам сўрагани тўғрсида хабар тарқатганди. Аммо шу билан бирга айнан қайси турдаги ёрдам ҳақида гап кетгани аниқлаштирилмаган.
“Биз Пекинга четда турмаслигимизни ап қайсидир давлатнинг Россиянинг иқтисодий санкциялар ортидан йўқотишларини тўдиришига имкон бермаслигимизни маълум қилдик”, – деган АҚШ президентнинг миллий хавфсизлик масалалари бўйича маслаҳатчиси Жейк Салливан.
Ўз ўрнида Хитойнинг Вашингтондаги элчихонаси ОАВ хабарлари фейк эканини ва Москва ёрдам сўрагани ҳақида унга ҳеч нарса маълум эмаслигини айтган.
Маълумот ўрнида: Россия 24 февралда Украинага қарши ҳарбий операция бошлади. Ҳозирга қадар айрим худудлар Москва назоратига ўтган. Шунингдек, Мариуполь, Харьков ва Киевда оғир жанглар олиб борилмоқда.
Уруш оқибатида Россияга қарши оғир иқтисодий санкциялар жорий этилди. Хусусан, унинг асосий банклари SWIFT тизимидан узилди. РФ заҳираларининг 300 миллиард доллари музлатиб қўйилди. Бундан ташқари, машҳур брендлар Россия бозорини тарк этмоқда.
Эслатиб ўтамиз, аввалроқ Британияда санкция остига тушган рус олигархларининг уйига украиналик қочқинлар жойлаштирилиши мумкинлиги тўғрисида хабар берилганди.
