Британия рус олигархларининг уйидан гуманитар мақсадда фойдаланмоқчи
Бу уларнинг мусодара қилинишини англатмайди.
Британияда украиналик қочқинлар рус олигархларининг уйларига жойлаштирилиши мумкин. Бу ҳақда BBC хабар берди.
Буюк Британия турар-жой коммунал хўжалиги, жамоат ва маҳаллий бошқарув вазири Майкл Гоув шундай таклиф билан чиққан. У ҳозирда бунинг хуқуқий асослари ўрганилаётганини очиқлаган.
Шу билан бирга Гоув украин қочқинлари рус олигархларининг санкция омтига тушган уйларига жоцлаштиришни юридик жиҳатдан мисли кўрилмаган иш эканини тан олган.
Унинг сўзларига кўра, кўчмас мулк объектлари мусодара қилинмайди. Унинг эгаларига кўйилган тақиқ олию ташланиши билан бу тартиб бекор қилиниши мумкин.
"Агар сизнинг таъсирингиз ва бойлигингиз Путинни қўллаб-қувватлашга қаратилган бўлса, ... унда оқибатларни қабул қилишга мажбурсиз", — деган вазир.
Эслатиб ўтамиз, аввалроқ ввалроқ Италияда ичида украиналик қочқинлар бўлган автобус ағдарилиб кетгани тўғирисида хабар берилганди.
