Хитой яна COVID-19 эпидемияси ўчоғига айланмоқда
Бир нечта йирик шаҳарларда блокировка жорий қилинган.
Хитой материгида коронавирус пандемияси қайта авж олмоқда. Мамлакатда бир суткада 2461 та янги ўткир коронавирус инфекцияси ҳолати қайд этилди.
Бундан ташқари, мамлакатда яна 1226 асемптоматик ҳолат аниқланган. Расмийлар томонидан кўрилаётган қатъий чоралар, жумладан блокировкаларга қарамай, инфекциянинг тарқалиши давом этмоқда. Пекин, Шанхай ва яна бир нечта шаҳарларда карантин кучайган.
Пандемия бошлангандан бери Хитойда жами 126 324 та COVID-19 ҳолатлари ва касалликдан 4 636 ўлим аниқланган.
