Волга бўйи ҳудудидан Ўзбекистонга нам ва совуқ ҳаво кириб келади
"Ўзгидромет" маълумотига кўра 23 март куни Ўзбекистоннинг айрим ҳудудларида ёмғир ёғиб, қорга айланиши мумкин.
Қорақалпоғистон Республикаси ва Хоразм вилоятида ёғингарчилик кутилмайди, баъзи жойларга туман тушиб ҳарорат кечаси -5 даражада совуқ, кундузи 3-8 даража илиқ бўлади.
Тошкент, Самарқанд, Навоий, Бухоро, Жиззах ҳамда Сирдарё вилоятларида ёмғир, баъзи жойларда қор ёғиши кутилмоқда. Ҳаво ҳарорати кечаси 0-5 даража совуқ, 2-8 даража илиқ бўлади.
Қашқадарё ва Сурхондарё вилоятларида ҳаво ўзгариб туради, баъзи жойларга ёмғир ёғиб туман тушиши мумкин. Ҳарорат кечаси 2-7 даража, кундузи 5-10 даража илиқ бўлади.
Фарғона, Андижон, Наманган вилоятларида ҳаво ўзгариб туради, баъзи жойларда ёмғир ёғиб қорга айланиши мумкин. Ҳарорат кечаси 2-7 даражадан кундузи 5-10 даражагача илиқ бўлади.
Тоғли ҳудудларда ёғингарчилик кузатилиб, туман тушиши баъзи жойларда қор кўчиш хавфи бор. Ҳарорат кечаси 2-7 даража совуқ, кундузи 0-5 даража илиқ бўлади.
