Қашқадарёда рақсга тушаётган ўқувчи қиз беҳосдан хушидан кетиб, вафот этди
Ҳодиса Наврўз тантанасида содир бўлган.
Ижтимоий тармоқларда Қашқадарё вилоятининг Миришкор туманидаги 33-мактабда 2005 йилда туғилган ўқувчи қиз Наврўз байрами тадбирида рақс тушаётган вақтида хушидан кетиб, вафот этгани ҳақида хабарлар тарқалди.
Халқ таълими вазирлиги Матбуот котиби Лайло Рустамова мазкур ҳолат бўйича дастлабки маълумотларни очиқлади.
Унга кўра, қиз ёшлигидан тутқаноқ (эпилепсия) касаллиги билан касалланиб келган. Ўқувчини ҳушидан кетиш ҳолати кузатилган вақтида мактаб маъмурияти томонидан Шошилинч тез тиббий ёрдамга мурожаат қилинган. Бироқ шунга қарамай у вафот этган.
Қайд этилишича, ҳозирда вилоят ИИБ ва ССБ масъуллари томонидан ўрганиш ишлари амалга оширилмоқда. Ҳолат юзасидан қўшимча маълумот берилади.
