Бурса — Турк дунёсининг маданият пойтахти
Айни дақиқаларда Туркиянинг Бурса шаҳрида “ТУРКСОЙ” халқаро ташкилоти ташаббуси билан тадбир ўтказилмоқда. Унда қатнашаётган Zamon.uz сайти Бош муҳаррири Мўътабар Нурмуҳаммедова тадбирнинг ёрқин лаҳзаларини сизлар билан бўлишади.
Мана, 10 йилдирки, “ТУРКСОЙ” халқаро ташкилоти ҳар бир "Туркий дунё маданияти пойтахти" деб танланган шаҳарда ташкилотга аъзо давлатларнинг санъати ва маданиятини очиб берувчи фотокўргазма ташкил этиш анъанасини йўлга қўйган.
2021 йилнинг сентябрь ойида Хива шаҳрида бўлиб ўтган “ТУРКСОЙ” доимий кенгашининг 38-мажлисида Туркия шимолий-ғарбидаги Бурса шаҳри “Турк дунёси маданият пойтахти” сифатида эътироф этилди. Бурса шаҳри 2022 йил давомида кўплаб муҳим тадбирларга мезбонлик қилади.
Ҳозирги кунга қадар бу мақом Нур-Султон, Эскишеҳир, Қозон, Марв, Туркистон, Ўш ва Хива шаҳарларига берилган.
