Келвин Гастелум UFC 273 турнирини тарк этди
Спортчи жиддий жароҳат олган.
Хабарларга кўра, ўрта вазн тоифасида собиқ UFC чемпиони Келвин Гастелум аралаш яккакурашлар бўйича UFC 273 турнирида қатнашмайди. Маълум бўлишича спортчи жароҳат олган.
UFC 273 мусобақасида Гастелум асли доғистонлик франциялик жангчи Нассурдин Имавовга қарши жанг ўтказиши керак эди. Бироқ у виза муаммоси туфайли мусобақани тарк этди. Жанг UFC 274 мусобақасига кўчирилиши кутилганди, бироқ қисқа фурсатда Жанубий Африка вакили Дрикус Ду Плессис Нассурдин ўрнига Келвин билан жанг ўтказадиган бўлди.
Гастелумнинг жароҳатдан сўнг қачон октагонга қайтиши ҳозирча маълум қилинмаган.
Эслатиб ўтамиз, UFC 272 турнири 9 апрелдан 10 апрелга ўтар кечаси Жексонвиллда (Флорида, АҚШ) бўлиб ўтади. Кечанинг асосий жангида америкалик Алгемейн Стерлинг россиялик Питер Ян билан баҳс олиб боради.
Аввалроқ, Ҳабиб Нурмагомедов коронавирусга чалингани ва UFC спортчиларининг АҚШга киришида чеклов ўрнатилгани ҳақида хабар берилганди.
Жамшидбек Амиров
