Yengil vazn toifasidagi UFC sobiq chempioni Xabib Nurmagomedovda koronavirus aniqlandi. Bu haqda Asian MMA xabar berdi.
Aniqlanishicha, sportchining koronavirusga topshirgan test natijasi musbat chiqqan. U o‘sha yerda o‘z tarbiyalanuvchisi Saygid Izagaxmayevning One Championship promousheni doirasidagi jangda qatnashishni rejalashtirgan edi. Afsuski, Xabib endi arenada bo‘lmaydi.
Eslatib o‘tamiz, Nurmagomedov faoliyatidagi so‘nggi jangini 2020-yilning oktyabr oyida amerikalik Jastin Getjiga qarshi o‘tkazgan. Ular o‘rtasidagi to‘qnashuvda Xabib bo‘g‘ish usuli bilan g‘alaba qozongan edi. Jangdan so‘ng Nurmagamedov faoliyatini yakunlaganini eʼlon qilgan.
Maʼlumot uchun, Xabib MMA da 29 ta jang o‘tkazib barchasida g‘alaba qozongan.