UFC спортчиларнинг АҚШга киришида чеклов ўрнатди
UFC халқаро жангчиларга, агар улар тўлиқ эмланмаса, АҚШга киритилмаслигини маълум қилди.
Қўшма Штатларга учаётган хорижий фуқаролар тўлиқ эмланган бўлиши ва эмланганлигини тасдиқловчи ҳужжатни тақдим этиши керак. Тўлиқ эмланган саёҳатчилар учишдан уч кун олдин олинган салбий CОВИД-19 тестини ҳам топширишлари лозим бўлади. Бу талаб Канада ва Мексика билан қуруқлик чегараларини кесиб ўтган ёки АҚШга йўловчи пароми билан келган чет эл фуқароларига ҳам тааллуқли. Жангчилар ЖССТ тасдиқлаган еттита вакцинадан бири билан эмланганини исботлаши керак. Шунингдек, улар сафардан кейинги 72 соат ичида CОВИД учун тест натижасини беришлари талаб этилади.
Эслатиб ўтамиз, Россиянинг Sputnik V вакцинаси ЖССТ томонидан тасдиқланган вакциналар рўйхатига киритилмаган.
Аввалроқ Ҳабиб янги қурилаётган отаси номидаги мактаб ҳақида гапиргани ва Паддй Пимблетт Ҳабиб Нурмагомедов билан жанг қилмоқчи эканлиги ҳақида хабар берилганди.
Жамшидбек Амиров
