Обамеянг: “Дембеле “Барселона”да қолиши керак”
Ҳужумчи франциялик футболчининг ўйинига ижобий баҳо берди.
“Барселона” ҳужумчиси Пер-Эмерик Обамеянг Испания чемпионатининг 31-турида “Леванте”га қарши ўйиндаги ғалаба ҳақида фикр билдирди.
“Ўйлайманки, бугун биз фаолликни пасайтирдик, айниқса биринчи бўлимда. Иккинчи бўлимда яхшироқ ўйнадик. Педри ва Гави жуда яхши ҳаракат қилишди. Ўйин жуда қийин бўлди. Биринчи бўлимда унчалик яхши ўйнамадим. Усмон мени яхши билади. У ўнг томонга ўтса, мен доим тайёр бўлишим керак. Менимча, Дембеле жамоада қолиши керак”, — дея “Маrcа” нашри Аубамеянгнинг сўзларидан иқтибос келтирди.
Усмон Дембеле 2017 йил “Боруссия Дортмунд” клубидан “Барселона” сафига қўшилган эди. 24 ёшли Дембеле жорий мавсумда “Барса” таркибида барча турнирларда 22 та ўйинда майдонга тушиб, 2 та гол урди. Обамеянг эса барча мусобақаларда 14 ўйинда 10 та гол урган.
Аввалроқ, Ҳоланднинг ҳолати ҳақида маълумот берилгани ва қўшиқчи Шакира қамалиши мумкинлиги ҳақида хабар берилганди.
Жамшидбек Амиров
