Суд ҳужжатларини ижро этишга аралашганлик учун жавобгарлик белгиланди
Президент томонидан имзоланган Қонун билан суд ҳужжатларини ва бошқа органлар ҳужжатларини мажбурий ижро этиш жараёнига аралашганлик учун маъмурий ва жиноий жавобгарлик киритилди.
Унга кўра, мазкур ҳаракатлар маъмурий жазо қўлланилганидан кейин содир этилса, 1 йилдан 3 йилгача озодликни маҳрум қилиш билан жазоланиши мумкин.
Шунингдек, йирик битимлар тузишда, молия-кредит хизматларини кўрсатишда, халқаро йўловчи ташиш ва давлат хизматларини кўрсатишда ижро ҳужжатлари бўйича қарздорлик борлигини текширмаслик ҳам маъмурий жавобгарликка сабаб бўлади.
Бундан ташқари, қонун билан ижро ишини юритишнинг соддалаштирилган тартиби ҳам белгиланди.
Унга кўра, соддалаштирилган тартибда ундирув қарздорнинг мол-мулкига (пул бундан мустасно) қаратилмайди. Қарздорга жавобгарлик чоралари қўлланилмайди.
Соддалаштирилган тартибда ундирув банкдаги пулга, МҲТЭКМдан (822 минг сўмдан) кўп бўлмаган суммани ундириш учун эса иш ҳақи, стипендия, пенсия ва бошқа даромадларга қаратилади.
