Ироқ ТИВ: Туркия ҳарбий операцияси Ироқ ҳудудий яхлитлиги учун таҳдид
Душанба куни Анқара Ироқ шимолида ҳарбий операция бошлаганди.
Туркия Ироқ шимолидаги ҳарбий операцияни ўтказишда расмий Бағдод билан ҳаракатларни мувофиқлаштирмаган. Бу ҳақда мамлакат ташқи ишлар вазири Аҳмад ас-Саҳҳоф маълум қилди.
"Вазирлик буни Ироқ суверенитетини бузиш ва ҳудудий яхлитлигига таҳдид деб билади. Чунки бу операция қўрқувга сабаб бўлади ва ироқликлар хавфсизлигига таҳдид туғдиради. ТИВга Туркия элчиси чақирилди ва унга Анқара ҳаракатларини бир томонлама, душманона ва иғвогарона экани акс этган нота топширилди. Биз турк қўшинларининг тўлиқ олиб чиқиб кетилишини талаб қилдик", — деган у.
Ас-Саҳҳофнинг қўшимча қилишича, Туркия ўз ҳаракатларини миллий хавфсизликка таҳдидлар билан оқламоқда. Шу билан бирга Бағдод турк элчисига тақдим этилган нотага ҳамон жавоб олмаган.
Маълумот ўрнида: Душанба куни Туркия Ироқ шимолида Курдистон ишчи партиясига қарши ҳарбий операция бошлади.
Аввалроқ Туркия ташқи ишлар вазири БМТ фаолиятини танқид қилганди.
