Рамазон ҳайити қайси кунга тўғри келади?
Ўзбекистон мусулмонлар идораси Рамазон ҳайитининг биринчи куни — Шаввол ҳилолини кузатиш бўйича хабарнома эълон қилди.
Унга кўра, ЎМИда Рамазон ойи ва ҳайитини муносиб кутиб олиш, Ислом дини тартиб-қоидалари асосида янги ойни кузатиш бўйича таниқли уламолар ва малакали мутахассислардан иборат ишчи гуруҳ тузилган.
Мазкур ишчи гуруҳ Рамазон ҳайитининг биринчи куни — Шаввол ҳилолини астрономик таҳлиллар ҳамда хорижий давлатлардаги мутахассислар билан ҳамкорлик асосида кузатиб бормоқда.
Ушбу ишчи гуруҳ кузатиш натижаларини Ўзбекистон мусулмонлари идораси Уламолар Кенгашига тақдим этади.
Рамазон ҳайитининг биринчи куни ҳақидаги маълумотлар Уламолар Кенгаши томонидан кўриб чиқилади ва тегишли хулосалар қабул қилинади.
